Helburuak
- Giza ikuspegitik begiratuta heltzea migrazioen eta herrien garapenaren gaiari, eta migratzearen arrazoiak eta ondorioak azpimarratzea.
- Enpatia izatea pertsonek migrazio-prozesuan izaten dituzten bizipen eta emozioekin.
- Haurren sormenerako eta jolaserako gaitasuna ahalbidetzea, ipuinen bidez bidaiatuz.
- Besteen iritziak errespetatzen, negoziatzen eta taldean erabakiak hartzen ikastea.
Edukiak
- Migrazioen arrazoiak.
- Herrialdeak maila desberdinean garatuta egotea eta horrek pertsona guztiek bizi-baldintza hobeen bila migratzeko duten eskubidearekin duen zerikusia.
- Migratzaileek bizi izaten dituzten prozesuak eta topatzen dituzten arazoak.
- Etorkinak hartzen dituzten gizarteetako pertsonen erreakzioak.
- Gatazkak modu baketsuan konpontzea eta gure bizitzan erabakiak hartzea.
- Talde-lana, entzute aktiboa, elkarrizketa eta parte-hartzea.
- Pentsamendu kritikoa eta gizarte-justiziarekiko interesa.
- Sormena, hitzezko adierazpena eta adierazpen plastikoa.
- Soluzioak proposatzea eta banaka nahiz taldean konpromisoak hartzea.
|
|
Jardueraren deskribapena
Lirain amuarrain gaztea ur geza duen ibai batean bizi da. Beti amestu izan du enarak bezala bidaiatu ahal izatea itsasoa ezagutzeko. Itsasoa handia eta misteriotsua da, eta amuarrainaren jakin-nahia pizten du; baina, era berean, leku oso arriskutsua ere badela esan diote. Behin batean, gurasoek esaten diote itsasorantz bidaia bat hasi behar dutela…
Haurrek ipuinaren bidea aukeratu beharko dute, istorioaren garapenak sortzen dien motibazioaren arabera.
Ikasgela bakoitzak amaiera bat asmatu behar dio istorioari; gainerako geletan asmatu diren amaierak irakurri ahal izango dituzte, eta aurkeztu den istorioarentzako gehien gustatu zaien amaiera aukeratuko dute.
|
