Munduak Elkarlotuz OXFAM

2020-2021 edizioa
Klima-krisia: jarduteko garaia

Klima-krisia eta berotze globala ez dira etorkizuneko arazoa, nazioarteak ia aho batez aitortutako errealitate bat baizik, gure baitan maila globalean eta tokikoan eragina duena, eta gizateriak planeta honetan bizitzen jarraitu nahi badu, aurre egin behar dion mehatxurik handiena da.
Planetaren tenperatura globalaren gorakadak —giza jarduerak batez ere eraginda— ondorio larriak ditu pertsonen, animalien eta landareen bizimoduan, hala nola gosea eta malnutrizioa, laboreen galera, migrazio masiboak, edateko uraren falta, hamaika gaixotasun eta milioika heriotza ere. Hala ere, pertsona guztiok ez ditugu hein berean kutsatzen, eta denok ez ditugu maila berean jasango planetaren tenperaturaren igoeraren ondorio dramatikoak.
Gaur egun gehien sufritzen dutenak egoera ahulenetan dauden pertsona eta populazioak dira eta, aldi berean, horiexek dira egoera hori eragiten duten berotegi-efektuaren erantzule ez direnak. Kalkuluen arabera, premiazko neurriak hartu ezean, pertsona pobreen kopurua 35 eta 122 milioi artean gehitu daiteke 2030 urterako. (Oxfam 2019).
Berotegi-efektuko gasen emisioen desberdintasunaren eta, bestetik, klima-krisiaren aurreko kalteberatasunaren arteko erlazioa ulertzea funtsezkoa da, baldin eta pertsona pobretuek neurriz kanpo sufritzea eta pertsona guztientzat eta planetarentzat bidezkoa eta iraunkorra den bizimodua izatea saihestu nahi bada.

Proposamen honen bidez, ikasleei klima-krisiaren fenomenoa ingurumenaren eta gizartearen ikuspegitik ulertzeko gakoak jakinarazi nahi dizkiegu, analisi kritikoa eta gizarte-ekintza eraldatzailea gorpuzteko tresnak emanez eta, aldi berean, alternatiba eraikitzaileak aurkeztu nahi ditugu feminismotik, gazteriatik eta herri indigenetatik datozen ahotsetatik, irtenbide ekonomiko ekologikoago eta bidezkoagoetara iragateko gidatu ahal izateko eta erronka global horri parte-hartzaile guzti-guztien tokiko errealitatetik erantzun ahal izateko.

Edizioaren helburuak

Munduak elkarlotuz proiektuaren edizio honetako helburuak:

1
Berotegi-efektuak nola funtzionatzen duen ulertzea, klima-aldaketaren kausak eta egungo larrialdi-egoera jakiteko.
2
Klima-aldaketak ingurumenean eta pertsonengan dituen ondorioak ezagutzea.
3
Kontzientzia kritikoa sortzea, gure kontsumo-ohiturak eta bizimoduak, batetik, eta horiek klima-krisiarekin duten lotura aztertuz.
4
Erresilientzia (banakakoa eta taldekoa) lantzea, klima-krisiari aurre egiteko estrategia den aldetik (xurgatzeko gaitasuna, egokitzeko gaitasuna, eraldatzeko gaitasuna).
5
Banakako eta taldeko ekintza sustatzea, ikasleak planetarentzat eta pertsonentzat bizimodu jasangarriak dituzten klimaren aldeko ekintzaile bihur daitezen.


Begira ezazu aurtengo egutegira


KREDITUAK

Proiektuaren koordinazioa:
Elisabet Santpere, Sandra M. Tremoleda

Egilea:
Lehen Hezkuntza: Clara De Madrid
Bigarren Hezkuntza: Berta Maristany (Edualter)
Herritartasun Globalerako Hezitzaileen Sarearen laguntzarekin

Sareko Munduak Elkarlotuz-eko Batzordeak aholkularitza eman eta jarraipena egin dio hezkuntza proposamen honen prestakuntzari: Alazne Cámara, Pablo Cuenca, Santiago García, Esther Gutiérrez, Teresa Hernández, Flor López, Jordi Riera eta Arantza Zubizarreta.

Web dinamizazioa:
Espais Telemàtics

Munduak Elkarlotuz Partzuergoa:
2020-21 ikasturte honetan, Munduak Elkarlotuz izen bereko Partzuergoaren esparruan garatuko da. Ekimen horretan —hezkuntza-proposamena bertan txertatua delarik—  Europako ondoko erakundeek bultzaturiko herritartasun globala sustatzeko estrategia zabalagoaren barnean dago: Oxfam Italia (Italia), AID Global (Portugal), Espais Telemàtics (Espainia) eta Oxfam Intermón (Espainia), Italiako La Rete Nazionale Scuole Green erakundeak eta Bom Sucessoko (Portugal) Eskolen Elkarteak parte hartzen dutelarik.


Babesleak

Proposamen hau "Gaitasun globalaren garapena Munduak elkarlotuz sareko proiektu interkulturalaren bitartez" proiektuaren osagaia da, Erasmus + deialdi barruan.

Erasmus+


Síguenos