A crise climática e o quecemento global non son un problema do futuro, senón unha realidade recoñecida amplamente pola comunidade internacional que nos afecta xa nos niveis global e local e que representa a maior ameaza a que se enfronta a Humanidade se queremos continuar a vivir neste planeta.
O aumento da temperatura global do planeta, provocado sobre todo pola actividade humana, ten efectos devastadores nas formas de vida de persoas, animais e plantas, como son a fame e a desnutrición, a perda de cultivos, de animais, as migracións masivas, a falta de auga potábel, así como doenzas e mortes. Non obstante, nin todas as persoas contaminamos por igual, nin todas imos sufrir no mesmo grao as dramáticas consecuencias do aumento da temperatura do planeta.
Quen máis o sofren hoxe son as persoas e as poboacións en situacións máis vulnerábeis e, por súa vez, menos responsábeis polo efecto invernadoiro (ou efecto estufa) que o provocan. Calcúlase que, se non son tomadas medidas urxentes, o número de persoas pobres podería aumentar entre 35 e 122 millóns en 2030. (Oxfam 2019).
Entender a relación entre desigualdade en emisións de gases de efecto invernadoiro, por un lado, e vulnerabilidade perante a crise climática, polo outro, é esencial se se quere frear e mitigar o seu impacto evitando que as persoas empobrecidas sufran de forma desproporcionada e gocen dun modo de vida xusto e sustentábel para todas as persoas e para o planeta.
Con esta proposta, pretendemos dar chaves ao alumnado para entender o fenómeno da crise climática desde a perspectiva medioambiental e social, ofrecendo ferramentas para a análise crítica e a acción social transformadora e, ao mesmo tempo, presentar alternativas construtivas desde as voces provenientes do feminismo, da xuventude e dos pobos indíxenas que permitan guiar a transición para solucións económicas máis ecolóxicas e xustas e que nos permitan dar resposta a este desafío global desde a realidade local de cada participante.
Na presente edición de Conectando mundos, propómosvos os seguintes obxectivos:
Coordinación do proxecto:
Elisabet Santpere, Sandra M. Tremoleda
Autoría:
Primaria: Berta Maristany Corbella (Edualter)
Secundaria: Clara Isabel de Madrid
Coa colaboración da Rede de Educadores e Educadoras para unha cidadanía global
A comisión de Conectando mundos da Rede asesora e acompaña a elaboración desta proposta educativa: Alazne Cámara, Pablo Cuenca, Santiago García, Esther Gutiérrez, Teresa Hernández, Flor López, Jordi Riera e Arantza Zubizarreta.
Dinamización web:
Espais Telemàtics
Consorcio Conectando mundos:
Neste curso 2021-22, Conectando mundos desenvólvese no ámbito do Consorcio Conectando mundos. Esta iniciativa, en que está inscrita a proposta educativa, encádrase nunha estratexia máis ampla de promoción da cidadanía global impulsada polas seguintes organizacións europeas: Oxfam Italia (Italia), AID Global (Portugal), Espais Telemàtics (España) e Oxfam Intermón (España), coa participación de La Rete Nazionale Scuole Green de Italia e do Agrupamento de Escolas do Bom Sucesso de Portugal.
